Nú er bara að vera extra þolinmóð

Við viljum byrja á að óska Álfheiði Unu til hamingju með daginn í dag en daman er 7 ára  og því miður erum við fjarri en Blædís Björt er alltaf að sjá hvað þær vinkonurnar geta gert þegar ekki EF þau koma í heimsókn til okkar  já þær finna nú leiðir þessar dömur þó ungar séu að aldri...... Eigið góðan dag.

Annars er núna bara að bíða og sjá hvað tíminn ber í skauti sér vó vó háfleygt hjá mér en þannig er það samt.  Ég fór semsagt brunandi á hjólinu úr dönskukennslunni í atvinnusamtal í gær hjá Træningsenheden. Mætti auðvitað tímanlega og beið svo eftir 4 konum sem tóku viðtalið í upplýsingunum, eins og ég væri að fara fyrir dóm. Nei ég var reyndar furðu róleg bara enda allir búnir að óska mér held og lykke í danska bekknum mínum en þeim fannst þetta ótrúlega spennandi en þau vissu að ég væri að fara þar sem ég þurfti að fara fyrr úr dönskunni. Ég fæ síðan að vita með hvort ég fæ starfið núna fyrir helgin enda var meiningin að byrja í næstu viku takk fyrir pent. Viðtalið var mun þægilegra en ég átti von á hef farið í meira krefjandi viðtöl á Íslandi þar sem maður er spurður útí persónulegri hluti eins og áttu börn og hvað geriðu ef þau eru veik o.s.frv þau spurðu ekkert um slíkt. Meira útí mína reynslu og þessháttar. Ég held í vonina að fá þetta starf en er ekki viss þar sem fleiri fóru í viðtal að ég fái það en þær spurðu hvort þær mættu halda umsókninni ef ég fengi ekki starfið. Sú sem sýndi mér staðinn hér í Sönderborg sem ég hafði notabene hitt áður að þeim vantaði sko fleiri þjálfara á staðinn væri bara spurning um að fá leyfi fyrir að ráða fleiri. Svo nú er bara að krossa fingur ef ég fengi starfið þyrfti ég líka að færa mig yfir á kvöldin í dönskunni og kveðja þennan æðislega hóp sem ég er í  

Svo erum við Kobbi með margt á prjónunum langar að selja Skarðshlíðina og hreinlega kaupa okkur hús hér í Sönderborg enda mun eðlilegra lánaumhverfi hér en á Íslandi lánin manns hækka ekki um 100þús þegar ég borga 100þús. Svo það eru miklar pælingar í gangi og þannig er nú það barasta, við erum pínu brjáluð þó róleg séum að eðlisfari en þetta er samt eitthvað svo rétt fyrir okkur að gera  Enda búin að finna DRAUMAHÚS hér í Sönderborg alveg óvart það var reyndar óvart líka þegar við fundum húsið í Skarðshlíðinni og svo ætluðum við líkt og fyrri eigendur alltaf að búa í Skarshlíðinni en svona bara er lífið he he

Mamma er hjá okkur og fer nú því miður að síga á seinnihlutann hér hjá henni en hún fer heim á fimmtudaginn eftir viku samferða Pétri bróður sem bregður sér í brúðkaup. Þá helgi er haustfagnaður hér hjá Íslendingafélaginu og væri nú gaman að skella sér skilst nú samt að Kobbi verði mega upptekin þá helgi.... En ég og stelpurnar gætum auðvitað skellt okkur og tekið Erlu V með.  Svo er alltaf á planinu að fara til Birkerod að heimsækja frábært fólk sem við kynntumst í Norrænu. Við eigum líka von á góðri fjölskyldu hérna til okkar þann 12, það verður ekki leiðinlegt að fá þau get nú ekki nefnt nein nöfn en þetta er vinkona mín og hennar fjölskylda en þau hyggjast flytja hingað eða þangað he he ekki alveg ákveðið fer eftir vinnumálum  

Svo það er nóg að gera eins og endranær og ég bara spennt fyrir framhaldinu

Stelpurnar una sér vel hér Amanda Ösp er alsæl á leikskólanum og byrjaði að syngja hér hástöfum í gær Meistari Jakob á DÖNSKU og datt útaf við þann söng en þetta söng hún fyrir pabba sinn þegar hún var að sofna, hlýtur að gera mikið fyrir sjálfsálitið hjá honum he he MEISTARI JAKOB  

Blædís Björt er ánægð í skólanum og er búin að vera mikið að leika við danska stelpu hér í nágrenninu reyndar stelpu sem á heima í sömu götu og DRAUMAHÚSIÐ okkar er en það er rétthjá okkur. Í gær var ég að spjalla við hana en hún fékk að koma með að skoða húsið og við vorum að spjalla um að þá þyrftum við líklega að ná í dótið okkar til Ísl hún sagði þá "förum við þá bara og komum svo starx aftur sama dag hingað"? nei sagði ég vi ð myndum ekki koma sama dag hingað afhverju ertu að spurja af því, hún spurði líka hvort hún færi með. Hún sagðist bara ekki nenna til Íslands vildi bara vera hér  Svo henni líkar ljómandi hér þó hún sakni vinkvenna sinna á íslandi oft en henni finnst bara upplagt að fá þær reglulega í skemmtiferð hingað ............

Gleymdi að segja frá því að hér er fest um helgina í Jorgensgard þar sem við búum markaður og fleira skemmtilegt spurning að kíkja á það .....................

Læt þetta duga í bili og minni á GESTABÓKINA

sólarkveðjur frá Sönderborg Ragna V

Athugasemdir

[Vera (IP-tala skráð) 27.8.2009 kl. 10:38]

hæhæ

Spennandi að fylgjast með hvað verður með vinnuna :-). Yndislegt hvað stelpurnar eru ánægðar í sínu. Hér gengur líka allt ljómandi vel og við erum einmitt að hugsa um hvort við ættum ekki bara að reyna að selja heima og kaupa hér. Hér er bara dejligt að vera. Vonandi komist þið í heimsókn til okkar fljótlega :-)

Kærar kveðjur, Vera

[Jenna (IP-tala skráð) 27.8.2009 kl. 19:50]

Hæ kæra fjölskylda

Alltaf gaman að fylgjast með ykkur í danaveldi, líst vel á þetta með húsið

Kveja Jenna og co,

[Unnur María Hjálmarsdóttir (IP-tala skráð) 6.9.2009 kl. 01:05]

Hæ Ragna Valdís gaman að heyra af ykkur og gangi þér vel